Тас харанхуй шөнийн анир чимээгүй хотын гудамжинд, олны хөлөөс зайдуу орших өндөр байшингийн орой дээрээс өсвөр насны охин Мишээл унаж амиа хорлосноор киноны үйл явдал эхэлнэ. Мишээлийн төрсөн ах Төгөлдөр дүүгийнхээ ажил явдлын цайллагыг хийнэ. Хань бараа болох хэн ч үгүй ганцаардан суух Төгөлдөрт хоол горилж явсан нэгэн архичин дүүг нь зүгээр нэг үхээгүй, дүүгийх нь үхэлд буруутай хүн байгаа гэдгийг хэлж орхино. Ингээд Төгөлдөр дүүгийх нь амь насыг хохироосон уг хэрэгтнүүдийн эрэлд гарч мөрдөгч Туул болон учир битүүлэг шалтгаанаас болж уулзаагүй удсан найзууд болох Давка, Солонго, Санчи, Марал нарын хамт эргэлт буцалтгүйгээр тэмцэлдэхээр шийднэ.