Цогт, Энх-Үүлэн нар таван жил ханилсан, бие биедээ хайртай, хангалуун амьдралтай ч хүүхэдтэй болж чадаагүй учраас амьдралд нь нэг зүйл дутуу мэт санагдана. Нөгөө талд, Сэргэлэн, Буянаа нар олон хүүхэдтэй, гэхдээ амьдралын боломж тааруухан гэр бүл. Буянаа дөрөв дэх хүүхдээ буюу одонгийн хүүхдээ төрүүлэх гэж байх үед түүний төрсөн дүү Оюунгэрэл эмч эгчийнхээ хүүхдийг Цогт, Энх-Үүлэн нарт өргүүлэх санал гаргана. Гэтэл Цогтын аав Галсан энэ бүхэнд ихэд дургүйцнэ.