Тал нутгийн өвлийн хүйтэнд адуу маллахын зэрэгцээ, үдэш нь циркийн морин үзүүлбэр хийдэг Сайнаагийн амьдрал хоёр туйлын дунд өрнөнө. Өдөр нь адуун сүргээ арчилж, зөрүүд эцэг, салсан эхнэр, хүүхэдтэйгээ харилцаагаа сайжруулахыг хичээнэ. Гэвч нэг л өдөр тайзан дээр бүтээсэн морьтон баатрын дүрээс бууж, өссөн нутаг, ахуй амьдрал нь цагийн аясаар хэрхэн өөрчлөгдөж буйтай нүүр тулах хэрэг гарна. 2023 оны Алтан Өргөө кино наадмын олон улсын уралдаант хэсэгт богино киногоороо сонгогдож байсан найруулагч Жянь Шяошюаны уг бүтээл нь Венецийн кино наадам, Бусаны кино наадамд шилэгджээ.